Por encima da aldea da Nogueira, na montaña, atopamos os restos dunha pequena construción en pedra que foi, con toda probabilidade, unha choza de refuxio para os pastores que alindaban o gando por estes lugares.

Medidas

Alto:

Diámetro:

Descrición

A choza ten forma circular e presenta unha entrada que mira cara ao oeste, para o mar. A estrutura que se conserva está formada por cachotes de xisto de tamaño irregular. Descoñecemos se presentaría unha altura máis elevada; aínda que, se observamos, os muros presentan a mesma elevación en todo o perímetro, non están a diferentes alturas. Ademais, a terra que arrodea a construción chega ata o alto do muro que se conserva na actualidade. Este é un detalle significativo porque a choza está integrada no desnivel natural do terreo para aproveitar o acubillo que ofrece, así como o sostén para os propios cachotes da construción.